GENERAL SANTOS CITY – Nagpasalamat si Ronald Radin, GenSan Deped Sports Coordinator sa mga atleta nga nananingkamot ug nagsakripisyo aron marepresentar ang siyudad sa Palarong Pambansa 2025 isip kabahin sa Region 12 o Soccsksargen delegation.
Matud ni Radin, bisan pa man sa limitado nga suporta pinansyal ug mga hagit sa preparasyon, nagpabilin ang taas nga moral ug dedikasyon sa mga atleta.
Wala naguba ang ilang determinasyon ug gipakita ang tinuod nga espiritu sa kompetisyon kaisog, panaghiusa, ug pagkugi.
Gikadugang pa niini nga nagpahigayon siya og mga konsultasyon sa mga atleta, aron masayran ang ilang mga kasinatian ug masabtan ang mga hamubo ug lig-on nga punto sa ilang preparasyon.
Matud niya, ang abli ang komunikasyon tali sa mga opisyal ug atleta importante aron mapalambo ang sports program sa siyudad.
Gisuportahan usab ni Radin ang panawagan sa mga atleta alang sa dugang suporta, ilabi na sa porma sa sponsorships ug public-private partnerships, nga gikinahanglan aron mas mapaayo ang pasilidad, training, ug exposure sa mga batang atleta.
Ang ilang kalampusan usa ka pasidungog sa Gensan nga kamatuoran nga bisan sa kalisod, ang talento ug determinasyon sa kabatan-onan mopadayon.
