GENERAL SANTOS CITY – Andam na ang Department of Education GenSan alang sa national launching sa tinuig nga Brigada Eskwela nga ipahigayon dinhi sa dakbayan, upat ka adlaw una ang pag-abli sa klase sa Hunyo 4.
Gikumpirma sa DepEd GEnSan nga mahidangat dinhi sa dakbayan si Department of Education Secretary Leonor Briones aron pangunahan ang launching.
Sa pakighinabi sa kalihim, giklaro niini nganong sa Gensan ipahigayon ang formal launching sa Brigada Eskwela 2018, kini tungod tradisyon sa DepEd nga kada sa lain laing kini ginalusad.
Sa iyang pamahayag, sa miaging tuig, sa Visayas nila kini gipahgayon og karong tuiga sa Mindanao og sa sunod nga tuig, didto na sa Luzon.
Una ang national launching, nagsugod na ang mga magtutudlo og mga ginikanan sa pagpangandam sa mga classrooms.
