GENERAL SANTOS CITY – Preparado na ang Deped Gensan sa 100% full face to face classes sa Nobyembre 2 ning tuig .
Matud ni Rommel Flores, Schools Division Superintendent sa Deped Gensan nga gibuhat na ang tanan aron ma-andam ang tanang pampublikong tulunghaan.
Sumala pa nga may pipila ka public schools ilabina sa sentrong bahin sa syudad ang magpatuman og shifting sa mga pipila ka grade level tungod sa kadaghan sa mga enrollees apan kulang sa mga classrooms
Ang maong set-up ang gipatuman usab sa General Santos City High School sa Calumpang.
Nangayo kini og pagsabot sa mga ginikanan sa maong sitwasyon.
Base sa DepEd order, sa usa ka semana angayang lima ka adlaw ang klase sa mga estudyante gikan sa Lunes hangtod sa Biyernes.
Apan gitugotan ang mga private schools alang sa blended learning. __.
Nag-meeting na ang mga school heads sa tanang public schools og gisusi ang gihimong mga preparasyon alang sa 100% full face to face classes sa Nov. 2.
