GENSAN – Tulo ka adlaw ang nahabilin magsugod na ang klase sa tanang pampublikong tunghaan sa tibuok Pilipinas karong Hunyo 16, 2025.
Sa daghang tunghaan sa dakbayan sa Heneral Santos , gipaspasan na ang pagpangandam alang sa pagabri sa bag-ong school year 2025-2026.
Ang mga classroom gilimpyohan, ang mga bangko gi-ayo, ug ang mga gamit sa pagtudlo gi-inspeksyon.
Samtang nagpadayon gihapon ang Brigada Eskwela uban sa suporta sa mga ginikanan, magtutudlo, ug volunteers.
Matud sa DepEd, andam na ang tanang pampublikong eskwelahan sa dakbayan sa pagdawat sa mga estudyante.
Gidasig usab ang mga ginikanan nga siguruhong andam ang ilang anak – sa uniform, gamit-eskwela, ug mental nga kahimtang alang sa klase.
Ang mga magtutudlo , sa laing bahin, nagpahimangno nga magdala og disiplina ug kadasig ang mga bata sa ilang pagbalik sa klasrum.
