GENERAL SANTOS CITY – Malaumon si Jojo Duhilag, ang Physical Education Sports Supervisor sa Deped 12 nga kaya sa Region 12 nga malagpasan ang nakuha nga gold medal sa miaging Palarong Pambansa sa Antique.
Matud pa niini, ang arnis, swimming, teakwondo ang maoy dako nga posibilidad nga makahatag og gold medal alang sa region 12.
Sa iyang pamahayag, ang arnis nga nanguna sa miagin palaro kung asa nakakuha ug siyam ka gold medal ang hugot nga gitutukan ang training.
Gibutyag ni Duhilag nga padayon gihapon ang training sa mga atleta karong Semana Santa apan light training og workout lamang ang himoon.. Kadtong mga katoliko ang hatagan og kahigayonan nga makaapil sa mga aktibidad sa simbahan.
Nasuta nga mukabast sa 621 ang delegado sa rehiyon 12.
Ang 2018 Palarong Pambansa ang ipahigayon sa Ilocos Sur kung asa sa Vigan City matigayon ang kompetisyon sa halos tanang sports events.
