GENERAL SANTOS CITY – Gipaklaro ni Mario Bermudez, ang Assistant Schools Division Superintendent sa DepEd GenSan ang kalabot sa pergula nga anaa sa entrada nga bahin sa Oval Plaza kung asa ang tarpaulin ang may mga hulagway sa mga opisyales sa syudad.
Gisaway kini sa pipila ka mga tao tungod layo kaayo sa konsepto sa Paskuhan sa GenSan.
Matud pa ni Bermudez, ideya sa ilang Committee chair ang maong konsepto nga ang intensyon lamang nga mahatagan og pag-ila ang mga tao nga gasuporta sa Paskohan sa GenSan 2019.
Gipaklaro sa nasampit nga opisyal nga wala namulitika ang DepEd og dili usab ang mga politiko ang nagsugyot nga ang ilang mga hulagway ang ibutang sa tarp.
Dugang pagpaklaro ni Bermudez nga dili direktiba sa LGU bisan ni Mayor Ronnel Rivera nga ibutang ang ilang mga pangalan lakip ang ilang hulagway.
Lakip sa mga hulagway og pangalan nga anaa sa pergula mao silang Mayor Rivera, kapikas niini sa kinabuhi nga si Jane Rivera, ang labaw sa GenSan Tourism Council, Vice Mayor Ton Acharon, Kag. Rosalita Nuñez og Kag. Shandee Pestanio.
