SARANGANI- Nagpahimangno ang Department of Environment and Natural Resources-SOCCSKSARGEN (DENR-12) sa mga residente nga nagpuyo duol sa lugar nga nakasinati og coastal uplift sa Glan, Sarangani.
Matud pa sa ahensya, likayan ang maong lugar ug dili angay gunitan o tandogon ang mga stranded marine life tungod sa posibleng severe biological hazards human sa kusog nga linog.
Gidasig usab ang publiko nga likayan ang maong area ug mobalhin sa mas luwas nga lugar tungod sa gitawag nga rapid biomass decay nga resulta sa kalit nga two-meter vertical shift sa yuta.
Gipasabot sa DENR-12 nga ang paglikay sa maong lugar makatabang sa pagpamenos sa exposure sa posibleng public health ug biological risks. Mas maayo usab nga dili hilabtan ang mga stranded marine life aron malikayan ang posibleng biological contamination.
Ang Environmental Management Bureau (EMB) ug Bureau of Fisheries and Aquatic Resources (BFAR) mao ang awtorisadong mga ahensya nga nagdumala sa imbestigasyon, biohazard mitigation, ug pagpatuman sa rapid sanitation strategies.
