GENERAL SANTOS CITY – Dili problema kon ugaling magpacheck sa anak aron masiguro kung nakaangkon og dengue ang pasyente o wala gumikan kay nakasinati og pipila ka adlaw na nga hilanat.
Matud ni Dioscoro Nuñez, Health Education Promotion Officer sa City Health Office sa katawhan nga kung may hilanat angayang ipa-check up sa doktor og kung walay kwarta giawhag nga muadto sa Rural Health Unit (RHU) sa barangay kung asa libre ang check up.
Adunay dengue rapid test nga gitanyag ang health center kung asa walay bayad.
Pinaagi niini masayran kung may dengue o wala ang pasyente.
Samtang miapila si Nuñez nga angayang magtinabangay ang tanan sa paglimpyo sa palibot aron makalikay sa sakit nga dengue.
Sa datos, nga 104 ang kaso sa dengue ning tuiga sa dakbayan kung asa duha ang patay itandi sa 50 ka kaso sa susamang panahon sa miaging tuig.
