GENERAL SANTOS CITY – Misaka ug dul-an 200% ang natala nga dengue cases sa tibuok Region 12 ning tuiga, itandi kaniadtong 2018.
Base sa record gikan sa Regional Epidemiology and Surveillance Unit sa Depertment of Health (DOH) 12, miabot na sa 2,332 ang natala nga kaso sa dengues sa rehiyon gikan January 1 hangtod February 23 ning tuiga.
Gikan sa naasoy’ng ihap, lima na ang namatay.
Labing daghan ang natala sa North Cotabato nga may 800, sunod ang South Cotabato nga may 707, ikatulo ang Sarangani nga may 257 cases; Sultan Kudarat, 239; GenSan, 218; ug 111 sa Cotabato City.
Nasayran nga miabot lamang sa 801 dengue cases ang natala nga kaso sa dengue sa 2018 sa susamang panahon, ug duha ang namatay tungod sa maong sakit.
Padayon ang ginahimong lakang sa DOH-12 ug pagpahinumdum sa publiko nga kanunayon ang paglimpyo sa paliboty aron walay mapangitlugan ang mga lamok nga nagdala sa maong sakit.
