Nagduso ang kampo ni Bise Presidente Sara Duterte og pormal nga Comment/Opposition batok sa motion for reconsideration (MR) sa House of Representatives kalabot sa desisyon sa Korte Suprema nga nagdeklara sa impeachment complaint nga gisang-at batok sa bise presidente nga “unconstitutional.”
Matod ni Atty. Michael Poa, tigpamaba ni Duterte, ang ilang komento takdang ipasang-at karong Lunes sa hapon.
Ilang gikompirma nga nipasaka sila og komento batok sa mosyon sa Kamara ngadto sa Korte Suprema.
Hinuon giklaro ni Poa nga wa sila mohatag og detalye kalabot sa gisang-at nga dokumento.
Isip respeto sa sub judice rule ug sa judicial process, niingon sila nga dili na sila mohatag og interview o dugang pamahayag karong panahona.
Samtang, gituki sa Korte Suprema ang kaso human gisumite ang mosyon sa Kamara ug karon ang komento sa kampo ni Duterte, nakahukom usab ang Senado nga i-archive ang kasong impeachment batok sa bise presidente.
Ang desisyon usa ka kausaban gikan ni Senador Rodante Marcoleta aron hingpit nga ma-dismiss ang kaso human sa desisyon sa Korte Suprema.
