Nihangyo ang defense team ni kanhi Presidente Rodrigo Duterte sa International Criminal Court (ICC) Appeals Chamber nga i-disqualify si Prosecutor Karim Khan sa maong kaso.
Base sa ilang petisyon, dunay conflict of interest si Khan sa kaso ug kinahanglang tangtangon.
Si Nicholas Kaufman, ang abogado sa kanhi presidente, niingon nga si Khan, kinsa mibarog isip private lawyer for hire niadtong 2018, nagrepresentar sa mga biktima sa giingong extrajudicial killings sa Pilipinas.
Tungod niini, mahimong kuwestiyonable ang ebidensya nga ipresentar ni Khan sa imbestigasyon. Una nang gipahibalo sa Appeals Chamber nga wala silay nakitang impartiality sa bahin sa Prosecutor.
Kahinumduman nga nibakasyon si Khan niadtong Mayo tungod kay nag-atubang kini og imbestigasyon sa United Nations Office of Internal Oversight Services tungod sa mga alegasyon sa sexual misconduct.
