Mipadayon sa ilang baruganan ang kampo ni VP Sara Duterte nga dili na gikinahanglan ang iyang arraignment sa impeachment trial, human nilang gipatin-aw sa Senado ang ilang panig.
Sa unang adlaw sa pagdungog, giingon sa kampo sa bise presidente nga hapsay ug organisado ang dagan sa proseso.
Misupak sila sa gisugyot nga arraignment diin unta mosulod si VP Sara og VP Sara Duterte nga plea sa matag article of impeachment. Apan sumala sa Senado nga naglihok isip impeachment court, wala na kini ipadayon.
Matod ni Atty. Michael Poa, tigpamaba sa defense team, ang ilang pokus karon mao ang pag-andam sa ilang depensa.
Wala pa gihapon makapakig-estorya ang legal team kang VP Sara human sa unang adlaw sa impeachment trial, apan naglaom sila nga mahitabo kini sa umaabot nga mga adlaw.
Samtang, wala pa usab sila makahukom kon irekomenda ba nila nga personal nga motambong ang bise presidente sa sunod nga mga hearing.
Wala usab direktang mitubag ang lead defense counsel nga si Shiela Sison kon kumpiyansa ba siya nga mapanalipdan ang kaso ni Duterte, apan gipasiguro niyang gibuhat sa ilang kampo ang tanang gikinahanglang pagpangandam.
