GENERAL SANTOS–Gikatakda matud pa nga mobisita sa GenSan sa sunod semana si Defense Secretary Delfin Lorenzana, ang chairman sa National Task Force Against COVID-19.
Gipasalig usab ni DENR Secretary og deputy implementer of the government’s coronavirus response in the Visayas Roy Cimatu nga mobisita pagkahuman nga matangtang ang lockdown sa syudad sa September 13, 2020.
Sa gipahigayong video conferencing sa mga miyembro sa Local-IATF, opisyales sa LGU og Regional IATF, gibutyag ni Sec. Cimatu nga tan-awon nila personal ni Sec. Lorenzana ang sitwasyon sa GenSan dungan sa padayong pagsaka sa covid-19.
Samtang gipasalig ni Cimatu nga mutabang alang sa paspas nga akreditasyon og paghatag og lisensya sa syudad aron maka-operate na ang molecular laboratory niini.
Sa kasamtangan, ang laboratoryo ang nagapaabot sa eskedyul sa proficiency testing niini nga ipahigayon sa DOH.
