Nisaka na ngadto sa 6,126 ang gidaghanon sa mga namatay sa nagpadayong mga protesta sa Iran, sumala sa report sa US-based Human Rights Activists News Agency (HRANA) niadtong Lunes.
Sa datos nga natigom sa HRANA sa ika-30 nga adlaw sa tibuok nasod nga lihok-protesta, moabot na sa 41,880 ka tawo ang gipangdakop.
Gidugang usab sa report nga dili moubos sa 11,009 ka indibidwal ang nakasinati og grabeng mga samad ug kadaot sa lawas samtang nagpadayon ang mga kagubot.
Nagsugod ang lapad nga mga protesta sa Iran niadtong miaging bulan, partikular na sa Tehran’s Grand Bazaar niadtong Disyembre 28, tungod sa grabeng pag-usos sa bili sa kwarta nga Iranian rial ug ang nagkagrabe nga kahimtang sa ekonomiya.
Ang maong mga demonstrasyon daling nikatap sa nagkalain-laing siyudad sa nasod.
Gisumbong hinuon sa mga opisyal sa Iran ang mga nasod sa Amerika (US) ug Israel nga maoy nagpaluyo sa mga “armadong raliyesta” nga responsabli kuno sa mga pagpangatake sa mga pampublikong lugar.
Samtang si US President Donald Trump nibahad na kaniadto nga “moigo og kusog” kung mapadayon ang pagpamatay sa mga raliyesta, apan nibilib usab kini sa Tehran human nanggawas ang balita nga gikansela ang gatusan ka mga gitakdang bitayon.
