Misaka na sa 41 ang ihap sa mga namatay human naunlod ang usa ka ferry sa Guyana niadtong Sabado sa gabii.
Sumala sa mga awtoridad, 77 na ka mga pasahero ang naluwas gikan sa maong trahedya, samtang padayon pa ang search and retrieval operations alang sa mga posibleng mga missing. Ang ferry nga adunay 179 ka pasahero ang sakay nalumos human kini naunlod sa katubigan.
Daghan pa usab ang gikaingon nga missing hangtod karon. Gisusi pa sa mga imbestigador ang posibleng hinungdan sa insidente, lakip na ang sayop nga passenger manifest ug ang pagduda nga adunay pipila ka crew member nga migamit og ilegal nga droga.
Sa pagkakaron, 16 ka mga barko ang gipadala sa lugar aron motabang sa operasyon, diin gipangulohan sa mga French diver kauban ang lokal nga rescue team ang pagpangita sa ubang mga missing nga pasahero.
