GENERAL SANTOS CITY – Wala nay lugway nga ihatag ang Bureau of Internal Revenue kon BIR sa pagfile sa annual income tax returns (ITR).
Matud pa kang Summer Muti, district officer sa BIR GenSan nga karong adlawa ang deadline og gilauman nga daghan ang asikasohon ang ilang opisina.
Ang dili makabayad ang magmulta kung asa 25% ang surcharge og 12% ang interes per annum.
Busa angayang pwede nga makabayad pa hangtud karong adlawa sa ilang opisina o kaha sa mga accredited nga mga filing centers .
Sa iyang pamahayag nga may bag-ong patakaran ang BIR nga dakong tabang sa mga tax payers.
Hatagan og hangtud sa Mayo 15, 2021 ang mga tax payers nga amiendahan kung may nasayop sa gi-file nga ITR ingon usab kung kulang ang bayad nga walay multa basta naka-file sa ITR sa tukmang panahon .
Kahibaluan nga adunay mihangyo nga grupo nga lugwayan ang filing sa ITR human nga gipailawom subli sa ECQ ang NCR Plus tungod sa pagtaas sa kaso sa COVID 19.
Rason sa grupo nga kini gumikan lisod ang pag-asikaso sa mga negosyante tungod sa hugot nga mga patakaran batok sa COVID 19 og limitado ang asikasohon nga kliyente sa BIR.
