Gisaway ni kanhi Senador Leila de Lima si Bise Presidente Sara Duterte human niingon nga gusto niyang “bloodbath” sa umaabot nga impeachment trial sa Senado.
Sa interbyu sa Davao City, si Duterte niingon nga bisan og dili nila gusto nga mapasaka ang proseso, ang iyang legal team nangandam na sa depensa.
Isip sakop sa panel of prosecutors sa impeachment ug gipaabot nga representante sa Mamamayang Liberal (ML) party-list sa 20th Congress, nitubag dayon si De Lima sa social media.
Matod niya nga dili mahimong “bloodbath” tungod kay ang akusado ra ang gipaubos sa husay. Ang mga senador-huwes’, dili ang administrasyon, dili ang katawhan. We will make sure of that,’ matod ni De Lima.
Dugang pa niya nga ang impeachment trial usa ka seryoso nga proseso sa tulubagon ubos sa Konstitusyon, ug dili kini yugto sa kagubot o drama.
Gipasidan-an usab niya ang kampo ni Duterte nga posibleng mag-atubang og contempt kung mosuway kini sa pagbalda sa proceedings.
Gihagit usab ni De Lima si Duterte nga atubangon ang husay uban ang pagtahod sa proseso, ug gipasalig nga respetuhon ang iyang mga katungod ubos sa balaod.
