Mihatag lang og P200 bilyones ang Department of Budget and Management (DBM) gikan sa gipangayo sa Department of Agriculture (DA) nga P513 bilyones nga budget alang sa 2025.
Sumala ni Agriculture Secretary Francisco Tiu-Laurel Jr., makasubo nga ang hangyo nga P500 bilyon nahimong P200 bilyon na lang apan pagpasabot niini nga basin mao lang ang kaya sa gobyerno nga mahatag atol sa budget deliberations sa DA atubangan sa House Appropriations panel.
Kahibaloan nga karung 2024, nakakuha ang DA og P213 bilyon budget base sa General Appropriations Act.
Kung mapatuman ang P200 bilyon alang sa 2025, adunay pagkunhod sa budget nga 13 bilyon ka pesos.
Gisaway usab sa ubang representante ang pagkunhod sa badyet, nga matud pa wala kini nasubay sa panaad ni Pangulong Ferdinand “Bongbong” Marcos Jr. nga unahon ang sektor sa agrikultura.
