GENERAL SANTOS CITY – Miabot na sa 72.49 percent ang coverage sa ‘Sabayang Patak Kontra Polio’ sa Region 12. Basi sa datos sa DOH, mukabat sa 72, 642 ang nabakunahan nga mga bata.
Nagpabiling nanguna sa may labing daghang nabakunahan sa ilang probinsya ang Sultan Kudarat nga anaa sa 79.81%, gisundan sa General Santos City nga may 73.45%; ikatulo ang North Cotabato nga may 72.75%; ikaupat ang Cotabato City nga may 72.52%, ikalima ang South Cotabato nga may 69.21% og anaa sa ikaunom nga pwesto ang Sarangani Province nga 66.79% nga coverage sa polio vaccination.
Nanawagan ang DOH sa mga ginikanan nga pabakunahan ang ilang anak aron makalikay sa sakit nga polio.
Gawas sa pagbalay-balay sa mga bakunador, ang mga arangay health workers usab ang ga-atang sa mga checkpoints sa nagkadaiyang bahin sa rehiyon aron magbakuna sa mga bata nga sakay sa tanang matang sa sakyanan.
