GENERAL SANTOS CITY – Miyembro sa teroristang grupo nga Dawlah Islamiyah-Hassan Group (Nilong Sub-Group) ang usa ka motornapper supect nga napatay human nga misukol sa mga otoridad sa Purok Singko, Barangay Crossing Palkan, Polomolok, South Cotabato.
Matud pa ni Police Capt. Rommel Hitalia, deputy chief of police sa Polomolok PNP sa interbyu sa Bombo Radyo GenSan, gibutyag niini nga nakabsan sa kinabuhi ang nagpangalan og Mansur Cabalo alias Magalino, 15 anyos nga residente sa Marangit compound Brgy Rubber Polomolok og Alias Tadoy Macatiguel.
Gibutyag ni Police Capt. Hitalia nga ang mga suspek nalambigit usab sa carnapping, pagpang-ambush sa kapulisan og uban pa nga krimen.
Sa pamahyaag ni Hitalia, samtang nagpatrolya ang kapulisan sa Palkan, nakit-an ang motorsiklo nga gireport nga gikarnap hinungdan nga gisundan.
Gipahunong ang motorsiklo nga may duha ka sakay nga lalaki apan mipakusog hinungdan og dagan og nagpabuto og pusil punting sa kapulisan hinungdan nga nagresulta sa shootout.
Naigo ang angkas sa motor nga si Magalino hinungdan nga gidala sa ospital apan gideklara nga dead on arrival.
Samtang ang kauban nga driver ang nakasibat.
Narekober sa kapulisan sa Polomolok ang gikarnap nga motorsiklo sa biktima nga si Ivan Jay Nalugon nga gipusil-patay sa mga suspek sa Barangay Silway-otso sa nasampit nga lugar aging mga adlaw.
Ang motor gireport nga gikarnap sa Prk. Makisama–A, Brgy Silway 8, Polomolok sa miaging August 07, 2020.
Narekober usab ang cal. 38 revolver nga may mga buhing bala og fire cartridge case sa maong pusil.
