GENERAL SANTOS CITY -Nakuratan matud pa pagmaayo ang mga City Councilors sa Davao sa pinakalit nga pagluwat sa pwesto sa ilang Vice Mayor nga si Paolo “Pulong” Duterte.
Kini ang nahimong pahayag ni Sarangani Board Member Cyril Yap subay usab sa gibutyag kaniya asa iyang asawa nga si Atty. Lea Lebrado-Yap, konsehala sa 1st District sa Davao City.
Matud pa sa nasampit, gi-istorya kaniya ni Atty. Lebrado nga wala sila magdahum nga atul sa iyang privelege speech, manamalit ang anak ni Pangulong Rodrigo Duterte sa iyang mga kaubanan dungan sa pagbutyag nga mubiya na sa iyang puwesto.
Sa pahayag niini nga atul sa maong sesyon, hisgutan lang unta nila ang kalabutan sa calamity fund alang sa natigayong pagbaha og sunog sa NCCC Mall sa maong lungsod.
Giangkon ni Yap nga nakuratan siya sa pagresign sa presidential son nga iyahang higala.
Basi sa nabasang sulat nga nagdesisyon sa pagresign si VM Pulong Duterte tungod sa daghang isyu batuk kaniya apan wala nagpasabot nga giangkon sa bise mayor ang mga alegasyon.
