Gipasigarbo sa Department of Agrarian Reform ang kapin sa 60,000 ka kaso sa repormang agraryo nga malampusong nasulbad ubos sa administrasyon ni Presidente Ferdinand Marcos Jr.
Matod ni Agrarian Reform Secretary Conrado Estrella III, padayon nga giresolba sa mga gobyerno ang mga kaso sa repormang agraryo sa mga lokal nga mag-uuma sa nasud.
Kini nga lakang nagtumong sa pagpakunhod sa kabalaka sa mga mag-uuma sa ilang gitikad nga mga yuta.
Matod ni Estrella, sa pagkakaron daghan pa ang mga pending nga kaso lakip na ang 30-anyos nga mga kaso nga padayon nilang gisusi.
Base sa datus sa ahensya niadtong 2024, ang natala nga case load moabot sa kinatibuk-ang 65,822 agrarian reform cases.
Gikan sa nasangpit nga numero, niabot na sa 62,754 ka kaso ang nasulbad, katumbas sa 95.34% nga resolution rate sa gobyerno.
