GENERAL SANTOS CITY – Walay tugutan nga makaparada sa ilang sakyanan sa daplin sa National highway sa Apopong atubang sa duha ka dagkong sementeryo ang Forest Lake ug Chinese cemetery.
Kini ang kamandu-an sa City Administrators Office Atty Franklin Gacal Jr aron mahimong hapsay ang mga sakyanan paingon sa Polomolok ug Koronadal .
Kagahapon sa hapon nagbutang na ug duha ka linya sa national highway ang City Traffic Management Office aron kalikayan ang mga sakyanan nga mutabok u kaha mag U turn.
Sa mga muadto sa sementeryo sirado ang entrada nga bahin apan mamahimo nga muagi sa likod nga bahin tungod adunay giandam nga lapad nga parking area ang forest lake.
Sa mga buot muadto sa sementeryo kinahanglan nga okopahon ang inner lane samtang ang outer lane ang alang sa mga sakyanan paingon sa South Cotabato.
Kahinumduman nga sa nakalabay nga bulan nagpatawag ug tigum si City Administrator Franklin Gacal sa nagkalin laing buhatan aron pangandaman ang pagbisita sa mga tawo sa mga sementeryo.
Gawas sa kapulisan, mga traffic enforcer, highway patrol, naa usab ang mga force multipliers sama sa Joint task force Gensan ug uban pa.
