Damyos sa El Niño Phenomenon sa GenSan misaka pa sa P30M

GENERAL SANTOS CITY – Midako ang danyos sa agrikultura tungod sa nasinatiang El Niño Phenomenon.

Kini ang labing ulahi nga data nga gipagawas sa City Agriculture Office.

Mitala na sa kapin P30 Million ang danyos sa hilabihan kainit nga panahon sa mga pananum dinhi sa dakbayan.

Human mitala sa 13,756 ka ektarya ang apektado sa El Niño kung asa ang danyos sa maisan ug humayan anaa sa 127 ka ektarya samtang sa high value crops 18 ektaryas.

Matud pa nga mukabat na sa P6.5 M ang danyos sa pananaum nga mais ug humay samtang sa high value crops mitala na ang danyos sa P30.5M.

Ang labing apektado mao ang barangay San Jose nga aduna 32 ka mga mag-uuma.

Apektado usab ang Sinawal, Ligaya, Upper Labay, Olympog, Conel ug daghan pa.