Sa unang higayon karong 2024 NBA Finals gitambakan sa Dallas Mavericks ang karibal nga Boston Celtics.
Gipildi sa Mavs ang Boston – aron ibulsa ang Game 4 ug pwersahon ang Game 5.
Nahimong dominante ang dula sa Dallas sa 1st quarter pa lamang ug gilayon nagbuhos ug 34 big points kumpara sa 21 points nga tubag sa Boston.
Mas nadugangan ang lamang sa Dallas sa 2nd quarter dihang ipasulod ang 27 points samtang gilimitahan ang Boston sa 14 points.
Sa pagtapos sa 2nd quarter o first half gigunitan na sa Dallas ang 26 points nga lamang, 61 – 35. Sa unang half, nahimo ni Luka nga magsulod ug 25 points samtang 11 pts kay Kyrie Irving.
Alang sa Boston, morag gi-alsa ni Jayson Tatum ang tibuok team gamit ang 15 points samtang nalimitahan lamang sa 8 points ang ka-tandem nga si Jaylen Brown.
Pagsulod sa 3rd quarter, halos miabot na sa 40 points ang lamang sa Dallas hangtod sa nagpahulay na silang Luka Doncic, Kyrie Irving, ug uban pang starter, usa ka minuto bag-o pa kini mahuman.
Natapos ang dula sa score nga sa iskor nga 122 – 84 pabor sa Mavs. Mobalik sa TD Garden ang Game 5 kung asa gigunitan gihapon sa Boston ang lead, 3 – 1.
