GENSAN SANTOS CITY– Nailhan na sa mga otoridad ang mga suspek sa pagpamusil patay sa usa ka LGBTQ member sa Daproza Avenue, General Santos City.
Giila ang biktima nga si Renante ‘Ren’ Tampus, 35 anyos, usa ka salon owner.
Sa nahimong interview sa Bombo Radyo Gensan kay PCPT. Cyrus Vince Arro, hepe sa Pendatun Police Station nagpadayon ang hot pursuit operation nga ginahimo sa kapulisan sa mga suspek.
Gibutyag niini nga giandam na usab ang kasong murder nga ipasaka batok sa mga suspek nga migamit og caliber 38 og caliber 45 pistol sa pagpamusil.
Nahitabo ang insidente sa panag-yang salon sa biktima samtang kini naglingkod kauban ang pipila sa iyang mga empleyado.
Adunay usa ka lalaki ang miabot og namusil sa sulod sa salon.
Pipila kahigayon nga misulod-gawas ang suspek og namusil sa sulod sa salon kung asa misukol ang biktima og ang empleyado niini pinaagi sa paglabay og mga butang apan nakorner sa suspek ang biktima.
Dugang ni PCPT. Arro, sa wala pa nahitabo ang pagpamusil, pila ka higayon matod pa nga nakadawat ug pagpangbahad ang biktima gikan matod pa sa mga kasosyo niini sa wala pa gibutyag nga negosyo.
