GENERAL SANTOS CITY – Wala maremit ni May Ann Tezado nga taga Calumpang ning syudad ang halin sa droga nga iyahang gikuha gikan sa wala pa masayran nga tinubdan hinungdan nga gipusil patay ang biktima .
Kini ang gibutyag ni Police Major Robert Fores ang station commander sa Calumpang police station.
Migawas matud pa sa imbestigasyon nga gisulod sa hinigugma ni Tezado ang boarding house niini nga kabahin sa crimescene nga angayan nga ipreserba ug gipanas ang pipila ka file sa facebook sa laptop sa nahisgutan ug gikuha usab ang pipila ka putos sa druga.
Gani nakuha pa sa kapulisan ang lima ka sachet sa gituhuang druga sa lawak sa biktima.
Una nga migawas ang crime of passion human gilambigit ang biktima sa duha ka lalaki apan nalupihan kini sa laing anggulo ug kini ang pagbaligya ug druga.
Kahinumduman nga birthday mismo ni Tezado dihang mipahawa sa ilang gipuy-an human matud pa may pakigkitaan apan pag-abut niini sa Purok 16 Fatima gipusil kini sa suspek hinungdan nga natumba ug nadat-ugan sa iyang motor
