Nagtuo ang lead counsel ni kanhi Presidente Rodrigo Duterte nga ang dakong ihap sa mga boto nga nakuha ni kanhi Presidente Rodrigo Duterte sa 2025 midterm elections nagpakita sa pagsupak sa publiko sa gidakop ug gi-detain karon sa ICC.
Sa usa ka pamahayag, ang high profile lawyer na si Nicholas Kaufman miingon nga kini nagpakita sa usa ka tin-aw nga tinguha nga ibalik ang kanhi Presidente sa Pilipinas ug usa ka hugot nga pagsalikway sa iyang giingon nga pagsulay sa administrasyong Marcos sa pagdaot sa iyang legasiya.
Sa sayo pa, niadtong Martes sa hapon, Mayo 13, pormal nga giproklamar si kanhi Presidente Rodrigo Duterte isip mayor sa Davao City human nakadaog og landslide nga kadaugan sa 2025 midterm elections niadtong Lunes.
Base sa official city canvass report, nakakuha si Duterte og 662,630 votes, dakong bintaha sa iyang kaatbang nga si Atty. Karlo Nograles nga nakakuha og 80,852 ka boto.
