GENERAL SANTOS CITY – Maapektuhan ang kapyestahan sa Barangay Bula gumikan sa padayong pandemya sa COVID-19. Matud pa kang Fr. Ricky Legario sa Santo Niño de Bula Parish nga tanang mga aktibidad sa kapistahan sa Enero 15, 2021 ang dili na madayon gumikan sa isyu sa pandemya gawas sa fluvial procession.
Gibutyag niini nga mapadayon ang fluvial procession apan amphibian lang ang modala sa imahe sa Sto Niño.
Bawal na ang pagsunod sa mga lansa unya sa Silway area lang kutob, dili na usab mudunggo sa Queentuna park ang amphibian.
Dugang pa sa pari nga aduna gihapon misa nga ipahigayon og pwede mutambong ang mga deboto apan angayang pagkahuman sa misa mupauli gilayon.
Gihingusgan pa ni Fr. Legario nga dili pwede mukaon sa balay sa mga kaila o paryente gumikan ang dili residente sa usa ka kalye o zone ang dili pasudlon samtang walay idalit nga pagkaon ang simbahan aron malikayan ang panagtapok.
