Good news alang sa mga motorista tungod sa gilaumang dakong rollback sa presyo sa mga produktong petrolyo sa sunod semana.
Base sa inisyal nga pagtaya sa Department of Energy o DOE, mahimong moubos og P4 hangtod P5 kada litro ang gasolina, P8 hangtod P10 kada litro ang diesel, ug P9 hangtod P11 kada litro ang kerosene sugod Hunyo 23.
Sumala sa DOE, ang posibleng pagkunhod sa presyo tungod sa paghinay sa tensyon tali sa Estados Unidos ug Iran.
Apan giingon sa ahensya nga wala pa kini masiguro tungod kay nagdepende gihapon ang kahimtang sa padayon nga kasabutan sa ceasefire sa duha ka nasud.
Dugang pa sa walay kasiguruhan ang pagbalhin sa iskedyul sa paghisgotay tali sa Estados Unidos ug Iran nga gitakdang himuon sa Switzerland aron mapalig-on unta ang mas lapad nga kasabutan sa rehiyon.
