GENERAL SANTOS CITY -Dako ang natabang sa gipatuman nga Martial law sa Mindanao hilabi na sa paggukod sa mga teroristang grupo, private armed groups ug mga drug syndicates sa rehiyon.
Kini ang gibutyag ni Major Arvin Encinas, spokesperson sa 6th Infantry Division, Philippine Army.
Matud kang Encinas, nakatabang ang balaod-militar sa maayong governance ug pagpatuman sa kalinaw.
Ug gani, suportado usab sa nagkalain-laing opisyal sa Maguindanao ang nasampit nga balaodnun ug wala matud pa silay nadawat nga reklamo o pagsupak sa tawhanong katungod.
Kini usab matud pa aang rason nga angayan lamang may extension sa Martial law sa Mindanao gumikan wala pa gihapon nahurot ug padayon pang gahimo ug kasamok ang nahisgutang mga gurpo sa nagkalain-laing rehiyon, sama sa ginahimo sa Bangsamoro Islamic Freedom Fighters sa Maguindanao nga nagresulta sa labing ulahing engjwentro kung asa nanghikling ang gatusan ka mga sibilyan.
Sa karon nagpadayon matud pa ang combat clearing operation sa militar batok sa BIFF sa Ampatuan, Maguindanao.
