GENERAL SANTOS CITY – Paningkamutan sa dakbayan sa Heneral Santos nga mabakunahan ang mga senior citizens aron nga mapailawom na ang syudad sa Alert level 1.
Matud pa ni Dr. Jett Oco, local IATF incident commander nga may estratihiya sila nga gihimo gawas sa house to house campaign nga gipanglista usab ang mga wala nabakunahan og wala pa nakapa-second dose.
Sa pamahayag pa niini nga kada barangay adunasy target nga senior citizens nga angayang bakunahan batok sa COVID 19 .
Kahibaluan nga sa tulo ka mga rekositos nga gilatid sa IATF nga malakip sa alert level 1 ang usa ka lugar nga angayang usa lang ang wala naangkon sa dakbayan.
Kini mao nga mabakunahan ang 70% sa sektor sa mga senior citizen.
Gihimong prayoridad ang mga nasampit nga mabakunahan gumikan sila ang vulnerable sektor nga mahimong magrabehan oras nga matakdan sa maong virus.
