Naglunsad ang Russia og dagkong missile ug drone strikes sa kaulohan sa Ukraine nga Kyiv, nga miresulta sa pagkamatay sa dili moubos sa 13 ka mga tawo.
Gipabakwit usab ang pipila ka mga residente taliwala sa pagpamomba sa mga building sa kaulohan, pipila ka oras human nagpasidaan si Ukraine President Volodymyr Zelensky nga nag-andam ang Russia alang sa usa ka mas lapad nga pag-atake.
Gikasubo nga lakip sa mga namatay ang mga bata, sumala sa kumpirmasyon ni Tymur Tkachenko, ang head sa military administration sa Kyiv.
Sumala kaniya, gitarget pag-usab sa kaaway ang mga residential areas ug gipatay ang mga sibilyan.
Sa laing bahin, giangkon sa Russian Ministry of Defense nga ilang gitarget ang mga energy facilities isip balos matod pa sa bag-ohay nga mga strike sa Ukraine.
