Gipasalig sa Department of Agriculture (DA) nga walay kakuwang sa suplay sa mga poultry products sa mga merkado bisan pa man sa pagpatuman sa import ban sa maong mga produkto gikan sa Brazil.
Matod sa departamento, gilibkas ang import ban sa nasod tungod sa natala nga kaso sa Highly Pathogenic Avian Influenza (HPAI) o bird flu sa bahin sa Montenegro, Rio Grande do Sul.
Gipasalig ni Agriculture Secretary Francisco Tiu Laurel Jr. nga dili lang Brazil ang tigsuplay og manok sa Pilipinas ug aduna usab mga tinubdan sa produkto gikan sa ubang kanasuran isip alternatibong kahinguhaan.
Bisan pa niini, ang mga merkado gipaabot nga makasinati lamang ug mubo nga gintang sa suplay sulod lang sa usa ngadto sa duha ka semana tungod kay maayo ang dagan sa industriya sa manok sa nasud, matud niya.
Samtang, sukad niadtong Pebrero, 44.15 milyones ka kilo sa manok ang na-import gikan sa Brazil, sumala sa datos sa Bureau of Animal Industry.
