DA planong sugdan na ang implementasyon sa P5-B nga buffer fund

Plano karon sa Department of Agriculture nga sugdan na ang pag-implementa sa P5-billion nga buffer fund sa musunod nga tuig.

Matod ni Agriculture Secretary Francisco Tiu Laurel Jr., tumong niini nga mabaligya ang mga stocks sa mga basic commodities sama sa mga bugas og karne sa mas barato nga kantidad matag adunay kakulangon sa suplay og pagmanipula sa mga presyo sa merkado.

Aprubado matod pa ni Pangulong Ferdinand Marcos Jr ang paghatag ug pondo og ilang natumbok kung asa kini kuhaon.

Dugang pa niini nga dili pa niini mahimong hisgotan kung asa kuhaon ang pondo tungod daghang mga opsyon pa sila nga ginahisgotan.