Plano sa Department of Agriculture (DA) nga magmugna og research and extension center sa bombay sa nasud.
Matud pa ni Agriculture Secretary Francisco Tiu Laurel Jr. nga ang maong e proposed research and extension center ang labing una sa nasud ang ipatukod sa Bongabon, Nueva Ecija.
Kini gumikan ang maong dapit ang nag-unang onion producer sa Pilipinas. Gawas sa research and extension center, dugangan ang pondo sa pagpalit sa pheromone lures, nga mukabat sa P5 million aron matabangan ang mga mag-uuma nga pakigbatukan ang mga army worms.
Sugdan usab sa ahensya nga mangita og mas maayong binhi sa bombay aron nga mas mudako ang kita sa mga mag-uuma.
Ang target nga mahimong self-sufficient ang Pilipinas sa onion production aron nga mugamay ang importasyon og mudako ang kita sa mga mag-uuma.
Kahibaluan nga base sa 2024 sa Philippine Statistics Authority (PSA) anaa sa 12,726.11 hectares ang gitamnan sa bombay sa Central Luzon kung asa anaa sa 158,088.41 metric tons ang naproduced nga maitandi sa 59.80% sa national output.
