-- ADVERTISEMENT --
Gikataho nga ang Department of Agriculture (DA) mopaubos sa maximum suggested retail price (MSRP) sa imported nga bugas sugod sa Hulyo.
Mao kini ang sunod nga direktiba ni Presidente Ferdinand Marcos Jr. nga padayong nangitag paagi aron mamenosan ang palas-anon sa mga Pilipinong konsumidor.
Matod ni Agriculture Secretary Francisco P. Tiu Laurel Jr., ang P43 matag kilo nga MSRP mahimong ipatuman sugod sa Hulyo 1.
Kini nga presyo gipatuman karon sa P45 matag kilo.
Kahinumduman nga una kining gipatuman niadtong Enero dihang nagsugod ang MSRP og P58 matag kilo hangtod nga nius-os kini ngadto sa P45 matag kilo niadtong Marso 31.
-- ADVERTISEMENT --
Gipaabot usab ni Secretary Tiu Laurel ang susamang kausaban sa presyo sa bugas ubos sa Rice-for-All program.
