Nangayo ang Department of Agriculture (DA) ug National Irrigation Administration (NIA) og dugang nga pondo alang sa umaabot nga tuig.
Matud ni Agriculture Secretary Francisco Tiu Laurel Jr., importante ang dugang nga pondo alang sa ilang mga proyekto tungod sa gilauman nga posibleng epekto sa El Niño sa nasud.
Lakip sa gihangyo sa Kalihim ang pagpataas sa pondo alang sa Presidential Assistance for Farmers and Fisherfolk (PAF), diin posible nga mahutdan na ang maong pondo sa mosunod nga mga bulan tungod usab sa epekto sa habagat ug mga bagyo.
Nanginahanglan usab ang ahensya og P8.7 bilyon alang sa fertilizer assistance funds para sa mga mag-uuma, ingon man og dugang nga P10 bilyon hangtod P12 bilyon alang sa mga mananagat ubos sa mga programa sa Bureau of Fisheries and Aquatic Resources (BFAR).
