Subling ipatuman pag usab ang import ban sa Department of Agriculture batok sa mga poultry products nga gikan sa South Dakota, USA.
Naglangkob kini sa mga domestic ug wild birds,, karne sa manok, itlog, semilya alang sa artificial insemination, day-old nga piso , ug uban pa nga mga produkto sa manok.
Ang DA mihimo sa bag-ong pagdili human sa giingong pagkaylap sa highly pathogenic avian influenza o bird flu.
Matud kang Agriculture Secretary Francisco Tiu Laurel Jr., gikumpirma sa mga otoridad sa US nga nikatap ang delikado nga bird flu sa South Dakota ug naapektuhan ang mga poultry farm didto
Ang bag-o nga ban ang naglangkob sa Memorandum Order No. 4 na nga gi-isyu sa kalihim nga nagmando sa Bureau of Animal Industry sa paghunong sa pagproseso ug pag-isyu sa sanitary ug phytosanitary import clearances alang sa domestic ug wild birds mula sa South Dakota.
Sa kasamtangan nakataas ang import ban sa pipila ka estado ug nasud tungod gihapin sa managlahing sakit sa hayop nga kapareha sa bird flu ug ASF. .
Matud kang Laurel, ang hinanaling pagpahamtang sa import ban mahinungdanon aron mapanalipdan ang domestic livestock industry sa nasud.
