DA, kumbinsido nga walay kakuwang sa agri-products karong holiday season

Giinsister sa Department of Agriculture nga pabiling stable ang supply sa mga produkto sa agrikultura sa nasud karong nagsingabot na ang x-mas season.

Kini tungod sa padayon nga importasyon sa mga produkto aron pun-on ug suportahan ang lokal nga produksiyon aron matubag ang panginahanglan sa nasud.

Matod ni DA Assistant Secretary Arnel De Mesa, gibalanse sa mga import ang suplay sa mga produkto sa agrikultura sa Pilipinas
Matod niya maayo usab ang lokal nga produksiyon sa utanon bisan pa sa mga kalamidad.

Samtang, kung adunay kakuwang sa suplay sa baboy ug manok, niingon sila nga nangandam na ang ilang ahensya.

Kung mahinumduman, dako ang epekto sa African Swine Fever sa produksiyon sa baboy sa nasud.