Nagmando ang Department of Agriculture og pagdili sa pag-import og baboy nga gikan sa Taiwan.
Apil niini ang tanang klase sa produkto sa baboy nga gikan sa nahisgutang lugar.
Kini nga dali nga lakang gihimo agig tubag sa kumpirmasyon sa pagkaylap sa African Swine Fever o ASF sa nahisgutang nasud.
Sumala ni Agriculture Secretary Francisco Tiu Laurel Jr., ang pagpatuman sa moratorium gihimo nga walay paglangan aron mapanalipdan ang dakong industriya sa baboy sa Pilipinas, nga nagkantidad og binilyon ka pesos.
Tumong usab niini nga mapugngan ang pagbalik sa pagkaylap sa ASF sa tibuok nasud, nga mahimong hinungdan sa dakong kadaot sa mga lokal nga mag-uuma og baboy ug sa ekonomiya.
Ang pagdili naglangkob sa mga buhing baboy, tanang klase sa baboy, panit sa baboy, ug bisan sa semilya nga gigamit alang sa artipisyal nga inseminasyon sa mga baboy.
Kauban sa pagpatuman sa pagdili, awtomatiko usab nga gikansela ug gibawi sa DA ang tanang naunang gi-isyu nga mga permit alang sa pag-import og mga produkto sa baboy gikan sa Taiwan.
