Gimanduan na ni Department of Agriculture (DA) Secretary Francisco Tiu Laurel Jr. ang National Food Authority (NFA) nga umpisahan na ang pagbalhin sa ilang mga buffer stocks sa Visayas isip pagpangandam sa launching sa P20/kilo sa bugas nga programa sa gobyerno.
Matud pa sa kalihim nga mulungtad og pipila ka semana ang pagbalhin sa mga stocks sa mga bugas gikan sa NFA warehouses partikular sa ubang bahin sa Mindoro padulong sa Visayas.
Una niini gipasalig sa ahensya ang clearance sa pagbaligya sa bugas gikan sa Commission on Elections (Comelec) nga kabahin sa campaign promise ni Pangulong Ferdinand Marcos Jr.
Ang mga buffer stocks gikan sa Mindoro ang ibutang sa ubang lugar sa Visayas nga may limitadong produksyon sa bugas susama sa Cebu, Negros Island, Samar og Leyte.
Suportado usab sa mga lokal nga gobyerno sa Visayas ang inisyatibo sa DA nga andam muapil sa maong programa.
