Gilugwayan sa Department of Agriculture hangtod katapusan sa Hunyo ang deadline para sa pagproseso sa mga fish ug seafood import permits aron matabangan ang mga importer nga makasunod sa bag-ong mga palisiya nga nagtinguha nga masulbad ang problema sa food inflation ug mapa-stabilize ang supply para sa mga industriya sama sa turismo ug ‘hospitality’.
Ang maong lakang nagsunod sa direktiba ni President Ferdinand Marcos Jr. nga buhaton ang fish importation nga mas sistematiko aron makahatag og trabaho ug makadani og mga investors.
Sa kinatibuk-ang 25,000 metriko tonelada sa seafood nga gitugotan nga i-import para sa food service sector, 25% pa lamang ang nahimo nga na-import.
Sumala pa ni Agriculture Secretary Francisco Tiu Laurel Jr., kulang ang panahon sa mga daan nga deadline ug wala sa season ang ubang mga produkto gikan sa mga gi-gikanan nga mga nasud.
Lakip sa mga ginatugotan nga i-import mao ang mga produkto nga kulang sa lokal nga merkado sama sa salmon, cod, ‘tuna by-products’, squid, scallops, octopus, ug lobster.
Ang sardinas lang ang ‘local species’ nga gitugotan nga i-import aron matabangan ang pagkunhod sa inflation labi na sa off-season.
