DA gihingusgan nga walay hoarding sa bombay sa nasod

Walay nakita nga unsa mang hoarding kon pagtago sa mga bombay ang Department of Agriculture (DA).

Matod ni Agriculture Secretary Francisco Tiu Laurel, nga gilibot nila kauban ang Bureau of Plant Industry ang mga bodega sa bombay sa Southern Tagalog og Central Luzon og nakita nilang aduna lamang 500 metric tons sa pula nga bombay ang nahibilin.

Gipahigayon nila ang maong inspeksyon tungod sa pagsaka sa presyo sa bombay kung asa anaa na sa kapin P200 ang kada kilo niini.

Gilauman usab sa ahensya nga muobos na ang presyo sa pula nga bombay sa Marso og Abril tungod kini ang panahon sa pag-ani sa pula og puti nga bombay.

Gikatakda usab nga muabot ang mga gi-import nga bombay sa sunod nga adlaw.