Gibawi na sa Department of Agriculture (DA) ang temporaryong pag-ban sa pag-import sa mga hayop nga mahimong matakdan sa foot-and-mouth disease (FMD), lakip ang karne ug uban pang animal products gikan sa Hungary.
Matud sa DA, ang desisyon gisunod human ibalik sa World Organization for Animal Health (WOAH) ang FMD-free status sa containment zone sa Hungary.
Ang unang import ban gipatuman niadtong 2025 isip paglikay sa posibleng pagsulod sa FMD sa Pilipinas.
Ubos sa Department Circular No. 34, mahimo na usab ang pag-import sa mga produkto gikan sa Hungary, apan magpabilin nga ubos sa sanitary ug veterinary regulations sa DA ang tanang shipment.
Matud ni Agriculture Secretary Francisco Tiu Laurel Jr., ang lakang nagtumong sa pagpanalipod sa industriya sa kahayopan samtang gisiguro usab ang lig-on nga suplay sa pagkaon ug mas maayong food security sa nasud.
