-- ADVERTISEMENT --
Gitugotan sa Department of Agriculture ang Sugar Regulatory Administration Board (SRA) nga maka-import og 424,000 metriko nga tonelada sa asukal.
Matod sa DA, ang importasyon mao ang pagsiguro sa makanunayon nga suplay sa asukal sa nasud ug malikayan ang bisan unsang kalit nga pagsaka sa presyo.
Sumala pa ni Arnel de Mesa Agriculture Assistant Secretary nga ang maong lakang aron masiguro nga dili mag-usab-usab ang presyo hangtod sa sunod nga ani.
Ang mga plantasyon sa tubo sa nasud naapektuhan sa pagdagsa sa mga insekto, nga misangpot sa pagkunhod sa produksyon sa asukal sa nasud.
