GENERAL SANTOS CITY – Hugot ang pakig-alayon karon ni Cristopher Degano, Team leader sa tropa nga gipadala ni Bureau of Custom Commissioner Nicanor Faeldon dinhi sa dakbayan ngadto sa BIR GenSan human nadiskubre sa bodega sa Mighty Corporation sa Hicban Subd, Lagao ang libuan ka mga kinarton sa sigarilyo nga counterfeit kon peke ang BIR stamp.
Matud pa ni Degano, mukabat sa 8000 ka dagkong karton sa sigarilyo nga adunay tig 400 ka kaha nga unod ang ilang gi-ablihan ug nakita nga dyes porsyento lamang niini migamit ug genuine BIR stamp nga buot pasabot, kini ra ang gibayrang buwis og lugi ang gobyerno og mga anaa sa P120 milyon.
Sumala ni Degano, bantay sirado nila pagkakaron ang mga naasoyng sigarilyo kung asa maoy ebidensiya sa pagpasaka og kaso sa responsable niini.
Gawas sa dakbayan gisulod usab sa grupo ni Degano ang mga bodega sa Mighty Corporation didto sa Zamboangga, Cagayan de Oro ug Davao City.
