GENERAL SANTOS CITY – Gitambungan ni Gensan City Mayor Lorelie Geronimo – Pacquiao ug First Gentleman Alberto “Bobby” Pacquiao, ang Culmination sa Tuna Festival 2022 kagahapon, Setyembre 5, 2022 sa Oval Grandstand.
Miapil usab sila sa parada gikan sa Pioneer Avenue uban sa pipila ka mga empleyado, Department Heads, ug Division Chiefs sa lokal nga kagamhanan. Sa mensahe sa Mayora, nagpasalamat siya sa publiko sa ilang suporta sa Tuna Festival karong tuiga, ingon man sa General Santos City Chamber of Commerce, ug uban pang mga kaabag sa lokal nga kagamhanan sa pagdumala sa kapistahan.
Iya usab nga gidasig ang tanan nga maghiusa alang sa kalamboan sa dakbayan.
Atol sa Culmination, anaa usab sila si City Administrator Shandee Pestaño, Chief of Staff Atty. Hajji Herrera, City Councilors, ug City Legal Chief Atty. Bong Gacal.
Karung adlawa, Septiyembre 6, 2022, mopasundayag ang bandang Chocolate Factory, nga gidala ni City Mayor Pacquiao ug kanhi Senador Manny Pacquiao.
Ang Tuna Festival naaprobahan na nga usa ka bulan nga selebrasyon gikan sa Septiyembre 1 – 30, 2022.
Ang schedule sa mga kalihukan makita sa LGU ug GenSan Tuna Festival 2022 Facebook Page.
