GENERAL SANTOS CITY – Malampusong natigayon ang closing ceremony sa Oval Plaza ning dakbayan, Pebrero 27, alayon sa pagtapos sa Kalilangan 2017.
Gidagsa kini og libuan ka mga tawo dili lamang gikan sa GenSan apan adunay gikan sa mga kasikbit nga lugar og mga langyaw.
Usa ka fireworks display ang nasaksihan sa mga nagsuroy atol sa ulahing bahin sa culmination program pagkagabii.
Samtang sa Kadsagayan Street Dancing Competition, nahimong kampeon ang Trade GenSan nga nakadawat og P250,000 nga premyo plus trophy; 1st place ang Tantangan South Cotabato nga nakaangkon og P150,000 nga premyo plus trophy samtang 2nd place ang JBT Kaig-Senior National High School Tambilil Kiamba Sarangani nga nakaangkon og P100,000 nga premyo plus trophy.
Samtang ang mga nin-winning participants ang nidawat og P50,000 isip consolation prize.
Nasayran nga pito ka partisipante ang nagtigi sa maong kompetisyon nga gikan sa nagkadaiyang sa lugar.
Una niini, adunay gipahigayon nga ‘Parada ng Lahi’ alayun sa 78th founding anniversary sa GenSan kon asa gisalmotan sa mga opisyales sa lokal nga panggamhanan mga magtutudlo ilawom sa Dep-Ed GenSan og mga pioneers sa GenSan.
Ang mga nasampit ang nagsul-ob og ASEAN inspired nga mga sapot.
Samtang sa ASEAN inspired usab nisentro ang mga performance atol sa culmination program kon asa adunay nagsayaw nga gipresenta ang nasud sa Indonesia, Malaysia, Singapore,Thailand og Pilipinas.
