CSU member gipusil ang usa ka amahan nga miduaw lamang sa anak nga adunay sakit sa ospital

GENERAL SANTOS CITY – Padayung gipangita ang usa ka Civil Security Unit (CSU) member human nga gipusil ang usa ka amahan nga mibisita lamang sa anak nga naka-confine sa Dr. Jorge P. Royeca Hospital ning dakbayan.

Giila ang biktima nga si Christian Caparos, 32 anyos nga taga Brgy. Bawing ning dakbayan.

Natigayon ang insidente sa dihang giparada sa biktima ang iyang traysikel sa compound sa ospital apan gisita kini sa suspek nga nagresulta sa panaglalis nga nagresulta sa pagpamusil.

Gamit ang 45 calibre pistol gipusil sa suspek ang biktima hinungdan nga naigo sa aping og bukton.

Gisulod ang biktima sa maong tambalanan aron matambalan.